RozUM Media — вольнае і незалежнае беларускае выдавецтва, заснаванае ў 2025 годзе.

Вольнае, бо дзейнічае па-за межамі цэнзуры і ідэалагічнага прымусу. Незалежнае, бо існуе дзякуючы падтрымцы чытачоў і валянтэраў.Мы выдаем кнігі беларусаў, пра беларусаў і для беларусаў — найперш для тых, хто шукае сваё слова ў родным гучанні. Але таксама і для ўсіх вольных людзей, што хочуць пачуць сэрца Беларусі і зразумець яе душу. Мы публікуем тых, хто піша з любоўю да праўды, годнасці і волі.

Наш прыярытэт — новыя галасы і шчырае слова. Мы адкрытыя і для маладых аўтараў, што толькі пачынаюць, і для сталых пісьменнікаў, чыя кніга нараджаецца з глыбокага жыццёвага досведу. Калі вы маеце што сказаць пра сапраўдную Беларусь — мы дапаможам данесці ваша слова. Мы выдаем тэксты па-беларуску і па-руску, а таксама рыхтуем пераклады на еўрапейскія мовы, каб праўда пра Беларусь гучала шырэй — праз літаратуру, праз жывое слова, праз сэрцы людзей. RozUM — гэта голас розуму і літаратурны супраціў.

Гэта Беларусь, якая гучыць, нават калі яе хочуць прымусіць маўчаць.